Пише: Микола шанта



Скачати 309.63 Kb.
Сторінка1/26
Дата конвертації11.10.2018
Розмір309.63 Kb.
  1   2   3   4   5   6   7   8   9   ...   26

Пише: Микола ШАНТА
ГОРНЇЦА – ЗАКАРПАТЄ
ГОРНЇЦА – МИТ ВОЙВОДЯНСКИХ РУСНАЦОХ
Кед ше добре упозна историю Закарпатя, вец ше баржей розуми причини за пресельованє наших предкох до мирнєйших крайох дзе ше менєй воює за цудзих панох и дзе ше лєгчейше жиє. Так, читаме у фаховей литератури, на початку 16. столития закарпатске жительство участвовало у буни трансилванского владара Юрийа Довжи (1514) процив феудалцох. Жительство доживйовало вельки репресиї после гашеня руху „куруцох” (антифеудални и антиаустрийски рух). Покорованє селянох дефиновал кодекс Tripartitum хтори принесол Штефан зоз Вербивця. Тот кодекс бул основа мадярского законодавства до 1848. року.

После мадярского пораженя у Мохачкей битки, Мадярска подзелєна медзи Османским Царством, Австрию и Трансилванию. История Закарпатя у тим периодзе була означена зоз турским прициском и зоз длугорочним супарнїцством помедзи Хабсбурґовцох и Трансилваниї. Ровняцки часци Закарпатя, часто доживйовали турско-татарски напади. У тих борбох процив нїх участвовало шицке жительство заходного Закарпатя хторе теди було под власцу Хабзбурґовцох (Пряшовщина и околїско Ужгорода). Восточне Закапатє було под уплївом Трансилваниї. Як вично гранїчне подручє и тераз Закарпатю припадла судьба боїска на хторим ше у 17. столитию зражели два сили: мадярска властела под власцу Трансилваниї и австрийски апсолутизем зоз своїма мадярскими прихильнїками. У тим периодзе нєпреривних зраженьох, жителє Закарпатя окреме були анґажовани у буни Франца II Ракоция (1703-1711). Тота револуция з початку мала социялни характер та ю народ прилапел як свою. Закарпатци у нєй творели вирну князову ґарду и заслужели почесне мено „найвирнєйшого народу” (gens fedelissima). Пре нєпреривни войни Закарпатє у тим периодзе дожило економску препасц, а препадли и нємецки населєня. Пре чежку економску ситуацию кметски порциї ше зменшали, у горских предїлох их анї нє було, та тота ситуация допринєсла насельованю нового жительства зоз галицких подручйох у хторих порциї були векши.






Поділіться з Вашими друзьями:
  1   2   3   4   5   6   7   8   9   ...   26


База даних захищена авторським правом ©referatu.in.ua 2017
звернутися до адміністрації

    Головна сторінка