Пише: Микола шанта



Скачати 309.63 Kb.
Сторінка2/26
Дата конвертації11.10.2018
Розмір309.63 Kb.
1   2   3   4   5   6   7   8   9   ...   26
Штредок 17. столїтия

Тот период означени зоз борбу медзи православнима и униятами (грекокатолїками). Тото зраженє нє було лєм релиґийно означене алє и политично. Теди були вельки борби помедзи католїцизмом и протестантизмом. Православна церква теди у Закарпатю була у слабей позициї. Священство було слабо образоване, припадали кметству як и їх вирни. Мукачовски епископи завишели од мадярских кральовских маґнатох хтори сцели увесц реформи до православних парохийох. З другого боку, у Мадярскей почала борба процив реформациї, хтора тиж ишла на руку униятским акцийом хтори ше случовали медзи православцами. Перше нєудатне пробованє ликвидациї униї було 1612. року. Епископ А. Крупецкий зоз Перемишля на заходу Закарпатя, хторе було под власцу познатих маґнатох Друґета хтори були лоялни католїцкей церкви и династиї. Унию познєйше потримали епископи В. Тарасович и Петро Партений Ростошинский. Резултат їх акцийох була Ужгородска уния 1646. року у хторей українске священство заходней (кральовскей) часци Закарпатя прилапело католїцизем восточного обряду. Под защиту Ракоция у Мукачеве источашнє робел и функционовал и православни епископ Й. Зейкан. Моцнєню униї у Закарпатю допринєсол епископ Й. де-Камелїс, по походзеню Грек. До конца 18. столития твердиня православия остала Мараморщина хтора до 1720. року политично припадала Трансилваниї. После шмерци остатнього православного епископа Доситея у уґлянским манастире, хтори єден зоз найстарших манастирох у швеце, уния уведзена на цалу територию Закарпатя. Без огляду на политичну оддвоєносц Закарпатя од других русинских/українских жемох, повязаносц була моцна. Насампредз прейґ хаснованя и обезпечованя богослужебних кнїжкох зоз Києва и Львова.




Поділіться з Вашими друзьями:
1   2   3   4   5   6   7   8   9   ...   26


База даних захищена авторським правом ©referatu.in.ua 2017
звернутися до адміністрації

    Головна сторінка