ЗВИТ ДЕЛЕҐАЦИЇ КАРПАТСКОГО СОЮЗУ АМЕРИКИ



Скачати 309.63 Kb.
Сторінка8/26
Дата конвертації11.10.2018
Розмір309.63 Kb.
1   ...   4   5   6   7   8   9   10   11   ...   26
ЗВИТ ДЕЛЕҐАЦИЇ КАРПАТСКОГО СОЮЗУ АМЕРИКИ
Понеже американски Закарпатци одбавели вельку улогу у присоєдинєню Закарпатского краю до Чехословацкей, о 20 роки ришели презнац ше о реалним стану як жию Русини у новей держави, та там послали своїх представнїкох. Медзи нїма бул Олексий Геровский, ґенералн секретар Карпаторуского союзу Америки хтори охабел писани шлїд о тей мисиї. Приношиме виривки зоз того звиту хтори даваю цалком иншаку слику того периоду.

„Делеґация констатовала же пражска влада нє сполнєла анї єдну точку Сен-Жерменскей догварки и же после 19 рокох наш народ нє ма нїяку автономию. Попри тим, вон бул розорвани на два часци. У восточней пановали Чехи, а у заходней, на Пряшовщини, Словаци. У обидвох часцох руски народ нє лєм же нє мал права яки му були ґарантовани, алє их мал ище менєй як шицки други народи Републики. Русини були на остатнїм месце – за Нємцами, Мадярами и Євреями. Карпатска Рус була наполнєна з ческима чиновнїками, у чиїх рукох було шицко: администрация, суди, желєзнїци, школи и шицки богатства краю. Як писали чески владово новини Бразда, у Карпатскей Руси було дзешец тисячи ческих чиновнїкох. Вони нє знали по руски и нє сцели знац. Карпатска Рус була за нїх колония. До плаци ческим чиновнїком котри ту служели, додавало ше специялну, ткв. колониялну доплату.

Ґубернатор Грабар, Русин, нє мал нїяки права. З Уредбу влади од 1920. року шицки права були пренєшени на вицеґубернатора, котри вше бул Чех. Ґубернатор мал лєм титулу.”



Поділіться з Вашими друзьями:
1   ...   4   5   6   7   8   9   10   11   ...   26


База даних захищена авторським правом ©referatu.in.ua 2017
звернутися до адміністрації

    Головна сторінка